jab tasawwur tera saqi dil ke maiKHane mein tha
jab tasavvur terā saaqī dil ke maiḳhāne meñ thā
lutf-e-mai hāsil thā taaza kaif paimāne meñ thā
ek hī chullū meñ be-hoshī ga.ī hosh aa gayā
sāqiyā kyā bāda-e-be-kaif ḳhum-ḳhāne meñ thā
Dūbne ko thā koī dam meñ safīnā 'umr kā
phir bhī dīvāna tirā ġharq apne afsāne meñ thā
daane daane ko haiñ mohtāj aaj ham sab varna kal
ganj tāroñ kā nishāñ ḳhirman ke har daane meñ thā
aaj to masjid meñ 'mohsin' mo'takif hai shukr hai
kal yahī mard-e-ḳhudā sar-shār maiḳhāne meñ thā
jab tasawwur tera saqi dil ke maiKHane mein tha
lutf-e-mai hasil tha taza kaif paimane mein tha
ek hi chullu mein be-hoshi gai hosh aa gaya
saqiya kya baada-e-be-kaif KHum-KHane mein tha
Dubne ko tha koi dam mein safina 'umr ka
phir bhi diwana tera gharq apne afsane mein tha
dane dane ko hain mohtaj aaj hum sab warna kal
ganj taron ka nishan KHirman ke har dane mein tha
aaj to masjid mein 'mohsin' mo'takif hai shukr hai
kal yahi mard-e-KHuda sar-shaar maiKHane mein tha
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
