guzar ke lauh-o-qalam se talash-e-yar mein tha
guzar ke lauh-o-qalam se talāsh-e-yār meñ thā
maiñ ik hisār se niklā to ik hisār meñ thā
chaman se phuul nikalte hī intishār meñ thā
kisī kī qabr pe thā yā kisī ke haar meñ thā
vujūd ho ke fanā gosha-e-mazār meñ thā
tavīl qisse kā anjām iḳhtisār meñ thā
azaañ kī lai meñ vo naġhma haram meñ guuñj gayā
sadā badal ke jo nāqūs kī pukār meñ thā
uḌaan bhar ke Dhalā hai jasad meñ aadam ke
zamīñ kā husn jo bikhrā huā ġhubār meñ thā
sulag ke surma huā jab se aañkh aañkh meñ hai
vagarna tuur to patthar thā kis shumār meñ thā
fazā hī aisī thī kuchh ai 'adīl' duniyā kī
maiñ niiñd meñ rahā yā niiñd ke ḳhumār meñ thā
guzar ke lauh-o-qalam se talash-e-yar mein tha
main ek hisar se nikla to ek hisar mein tha
chaman se phul nikalte hi intishaar mein tha
kisi ki qabr pe tha ya kisi ke haar mein tha
wujud ho ke fana gosha-e-mazar mein tha
tawil qisse ka anjam iKHtisar mein tha
azan ki lai mein wo naghma haram mein gunj gaya
sada badal ke jo naqus ki pukar mein tha
uDan bhar ke Dhala hai jasad mein aadam ke
zamin ka husn jo bikhra hua ghubar mein tha
sulag ke surma hua jab se aankh aankh mein hai
wagarna tur to patthar tha kis shumar mein tha
faza hi aisi thi kuchh ai 'adil' duniya ki
main nind mein raha ya nind ke KHumar mein tha
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
