dard ko zabt ke pinjre mein rakha jata hai
dard ko zabt ke piñjre meñ rakhā jaatā hai
zahr ko shahd ke pyāle meñ rakhā jaatā hai
ik tamāshā hai badan ruuh kī barbādī kā
nuur ko ḳhaak ke sāñche meñ rakhā jaatā hai
ḳhvāb kī dhuup badan par na paḌe is ḳhātir
chāñdnī ko bhī añdhere meñ rakhā jaatā hai
vo jo majzūb ho sach bol ke mar jā.egā
us ke kirdār ko fatve meñ rakhā jaatā hai
iltijā pahle rakhī jaatī thī allah ke huzūr
ab du'āoñ ko lifāfe meñ rakhā jaatā hai
sūfiyoñ kā hai ye andāz-e-mohabbat 'rāshid'
nafs ko zabt ke halqe meñ rakhā jaatā hai
dard ko zabt ke pinjre mein rakha jata hai
zahr ko shahd ke pyale mein rakha jata hai
ek tamasha hai badan ruh ki barbaadi ka
nur ko KHak ke sanche mein rakha jata hai
KHwab ki dhup badan par na paDe is KHatir
chandni ko bhi andhere mein rakha jata hai
wo jo majzub ho sach bol ke mar jaega
us ke kirdar ko fatwe mein rakha jata hai
iltija pahle rakhi jati thi allah ke huzur
ab du'aon ko lifafe mein rakha jata hai
sufiyon ka hai ye andaz-e-mohabbat 'rashid'
nafs ko zabt ke halqe mein rakha jata hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
