tapte sahraon ki saughat liye baiTha hai
tapte sahrāoñ kī sauġhāt liye baiThā hai
pyāsī āñkhoñ meñ vo barsāt liye baiThā hai
chand masle hue safhāt liye baiThā hai
ghar kā būḌhā jo rivāyāt liye baiThā hai
umr hī terī guzar jā.egī un ke hal meñ
terā bachcha jo savālāt liye baiThā hai
zulf-e-shab-rañg pe rañgīn kashīda āñchal
vo koī tāroñ bharī raat liye baiThā hai
tū bahādur hai magar hech hai us ke aage
ek buzdil jo tirī baat liye baiThā hai
kaise kah duuñ ki use jiine kā haq hai 'hāmid'
dil meñ jo lāsha-e-jazbāt liye baiThā hai
tapte sahraon ki saughat liye baiTha hai
pyasi aankhon mein wo barsat liye baiTha hai
chand masle hue safhat liye baiTha hai
ghar ka buDha jo riwayat liye baiTha hai
umr hi teri guzar jaegi un ke hal mein
tera bachcha jo sawalat liye baiTha hai
zulf-e-shab-rang pe rangin kashida aanchal
wo koi taron bhari raat liye baiTha hai
tu bahadur hai magar hech hai us ke aage
ek buzdil jo teri baat liye baiTha hai
kaise kah dun ki use jine ka haq hai 'hamid'
dil mein jo lasha-e-jazbaat liye baiTha hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
