the kar-e-suKHan bais-e-tauqir hamare

the kār-e-suḳhan bā'is-e-tauqīr hamāre

jo aaj hue mūjib-e-tā’zīr hamāre

āñkhoñ ko baḌī saḳht zarūrat hai tirī aaj

ai nūr-e-nazar marham-e-dil-gīr hamāre

ham thak ga.e haiñ roz ke is sho'bda-pan se

ab kaam banā kātib-e-taqdīr hamāre

kahtī hai hameñ dekh ke kis dil se udāsī

vo aa.e miyāñ sāhab-e-zanjīr hamāre

tasvīr meñ sab dekh rahe haiñ tumheñ tā-ki

mumtāz raheñ markaz-e-tasvīr hamāre

ab dekh lī is ghar meñ tire husn kī lailā

is taaq pe mar jā.eñge ab 'mīr' hamāre

ā.eñge mirī jaan ke bad-ḳhvāh tire log

aur toḌ diye jā.eñge sab tiir hamāre

the kar-e-suKHan ba'is-e-tauqir hamare

jo aaj hue mujib-e-ta’zir hamare

aankhon ko baDi saKHt zarurat hai teri aaj

ai nur-e-nazar marham-e-dil-gir hamare

hum thak gae hain roz ke is sho'bda-pan se

ab kaam bana katib-e-taqdir hamare

kahti hai hamein dekh ke kis dil se udasi

wo aae miyan sahab-e-zanjir hamare

taswir mein sab dekh rahe hain tumhein ta-ki

mumtaz rahen markaz-e-taswir hamare

ab dekh li is ghar mein tere husn ki laila

is taq pe mar jaenge ab 'mir' hamare

aaenge meri jaan ke bad-KHwah tere log

aur toD diye jaenge sab tir hamare