mohabbat hum pas-e-diwar karte hain

mohabbat ham pas-e-dīvār karte haiñ

magar nafrat sar-e-bāzār karte haiñ

koī ikrām se ham ko navāze kyuuñ

kahāñ ham mid.hat-e-darbār karte haiñ

ka.ī bāteñ chhupāte haiñ darīche bhī

ka.ī bāteñ dar-o-dīvār karte haiñ

tujhe lauTā raheñ haiñ talḳhiyāñ terī

tire hī naam ye ash'ār karte haiñ

mizāj ab mausamoñ kā kis qadar badlā

sunahrī dhuup ko bīmār karte haiñ

mohabbat hum pas-e-diwar karte hain

magar nafrat sar-e-bazar karte hain

koi ikram se hum ko nawaze kyun

kahan hum midhat-e-darbar karte hain

kai baaten chhupate hain dariche bhi

kai baaten dar-o-diwar karte hain

tujhe lauTa rahen hain talKHiyan teri

tere hi nam ye ash'ar karte hain

mizaj ab mausamon ka kis qadar badla

sunahri dhup ko bimar karte hain