dudh makkhan phali malai ki
duudh makkhan phalī malā.ī kī
baat kī she'r meñ kalā.ī kī
qaidī achchhe tumheñ nahīñ lagte
baat karte ho tum rihā.ī kī
beTe barbād ho ga.e ghar meñ
kaisī pardes meñ kamā.ī kī
vo kisī taur rah nahīñ saktā
us ko 'ādat hai ḳhud-numā.ī kī
vāqa'ī naukrī nahīñ milnī
muft meñ ham ne phir paḌhā.ī kī
gung ho jaatī haiñ zabāneñ sab
naubat aa.e agar gavāhī kī
she'r ke ruup meñ buḳhārī jī
ḳhalq kī baat kar ḳhudā.ī kī
haal duniyā ko dete phirte ho
baat 'āsim' hai jag-hañsā.ī kī
dudh makkhan phali malai ki
baat ki she'r mein kalai ki
qaidi achchhe tumhein nahin lagte
baat karte ho tum rihai ki
beTe barbaad ho gae ghar mein
kaisi pardes mein kamai ki
wo kisi taur rah nahin sakta
us ko 'adat hai KHud-numai ki
waqa'i naukri nahin milni
muft mein hum ne phir paDhai ki
gung ho jati hain zabanen sab
naubat aae agar gawahi ki
she'r ke rup mein buKHari ji
KHalq ki baat kar KHudai ki
haal duniya ko dete phirte ho
baat 'asim' hai jag-hansai ki
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
