aastinon mein ye jo baste hain
āstīnoñ meñ ye jo baste haiñ
saañp ban kar yahī to Daste haiñ
kis qadar aa'lā zarf vaale haiñ
mushkiloñ meñ jo log hañste haiñ
dil achānak se baiTh jaatā hai
log jab terā tanz kaste haiñ
jaise chāhe ḳharīd lo in ko
aaj kal log kitne saste haiñ
bas namāzeñ hī kyuuñ paḌheñ muftī
nekiyoñ ke hazār raste haiñ
tere hisse ke ashk jān-e-shāh
'ārizoñ par mire baraste haiñ
shāhzādī to jā chukī yaaro
ye shahanshāh kyuuñ taraste haiñ
aastinon mein ye jo baste hain
sanp ban kar yahi to Daste hain
kis qadar aa'la zarf wale hain
mushkilon mein jo log hanste hain
dil achanak se baiTh jata hai
log jab tera tanz kaste hain
jaise chahe KHarid lo in ko
aaj kal log kitne saste hain
bas namazen hi kyun paDhen mufti
nekiyon ke hazar raste hain
tere hisse ke ashk jaan-e-shah
'arizon par mere baraste hain
shahzadi to ja chuki yaro
ye shahanshah kyun taraste hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
