aaj is dar pe hain kal jaane kidhar jaenge

aaj is dar pe haiñ kal jaane kidhar jā.eñge

ḳhushk pattoñ kī tarah ham bhī bikhar jā.eñge

zaḳhm apne kabhī yāroñ ko dikhāyā na karo

kuchh hañseñge to ka.ī tanz bhī kar jā.eñge

'ahd par shahr ke logoñ kā yaqīñ kyā karnā

ye to hālāt badalte hī mukar jā.eñge

un parindoñ ko uḌaao na jo chhat par aa.eñ

shaam ke baa'd ye bastī se guzar jā.eñge

lau charāġhoñ kī baḌhā dete haiñ parvānoñ par

aur ummīd ye karte haiñ ki Dar jā.eñge

ghar ke chaurāhe pe sab log khaḌe haiñ kab se

aur mā'lūm nahīñ kab ye kidhar jā.eñge

log ro.eñge bahut der talak ro.eñge

she'r paḌhte hue 'vāris' to guzar jā.eñge

aaj is dar pe hain kal jaane kidhar jaenge

KHushk patton ki tarah hum bhi bikhar jaenge

zaKHm apne kabhi yaron ko dikhaya na karo

kuchh hansenge to kai tanz bhi kar jaenge

'ahd par shahr ke logon ka yaqin kya karna

ye to haalat badalte hi mukar jaenge

un parindon ko uDao na jo chhat par aaen

sham ke ba'd ye basti se guzar jaenge

lau charaghon ki baDha dete hain parwanon par

aur ummid ye karte hain ki Dar jaenge

ghar ke chaurahe pe sab log khaDe hain kab se

aur ma'lum nahin kab ye kidhar jaenge

log roenge bahut der talak roenge

she'r paDhte hue 'waris' to guzar jaenge