wo mujhse roz ye kahti hai kya musibat hai

vo mujh se roz ye kahtī hai kyā musībat hai

havā ke vāste merā diyā musībat hai

musībatoñ meñ ghirā shaḳhs huuñ so jāntā huuñ

ki us ne ḳhat meñ mujhe kyuuñ likhā musībat hai

vahī to ḳhalq-e-ḳhudā ke liye musībat haiñ

jo sochte haiñ ki ḳhalq-e-ḳhudā musībat hai

vo mere saath kisī taur chal nahīñ saktā

zamāne bhar se hī merī judā musībat hai

na ab vo husn-o-javānī na tamkanat na ġhurūr

musībatoñ meñ vo ḳhud mubtalā musībat hai

har ek she'r musībat se muttasil Thahrā

radīf pahle thī ab qāfiya musībat hai

guzār lete haiñ din to kisī tarah 'nahrīr'

magar vo raat jise kāTnā musībat hai

wo mujh se roz ye kahti hai kya musibat hai

hawa ke waste mera diya musibat hai

musibaton mein ghira shaKHs hun so jaanta hun

ki us ne KHat mein mujhe kyun likha musibat hai

wahi to KHalq-e-KHuda ke liye musibat hain

jo sochte hain ki KHalq-e-KHuda musibat hai

wo mere sath kisi taur chal nahin sakta

zamane bhar se hi meri juda musibat hai

na ab wo husn-o-jawani na tamkanat na ghurur

musibaton mein wo KHud mubtala musibat hai

har ek she'r musibat se muttasil Thahra

radif pahle thi ab qafiya musibat hai

guzar lete hain din to kisi tarah 'nahrir'

magar wo raat jise kaTna musibat hai