wo jo baDe shuur se dil mein sama gaye

vo jo baḌe shu'ūr se dil meñ samā gaye

ham bhī nisār ho ke dil-o-jāñ pe chhā gaye

hairat se dekhne lagā ā.īna bhī unheñ

jab aa.ine ke sāmne vo chham se aa gaye

ham ne paḌhī jo bazm meñ apnī ġhazal na.ī

sab ne kahā huzūr to mahfil pe chhā gaye

duniyā ke un amīroñ se achchhe haiñ vo ġharīb

apnī jo bhuuk maar ke bachche paḌhā gaye

dil ko pakaḌ ke ro liye jī bhar ke ham 'asar'

tanhā.ī meñ vo jab bhī hameñ yaad aa gaye

wo jo baDe shu'ur se dil mein sama gaye

hum bhi nisar ho ke dil-o-jaan pe chha gaye

hairat se dekhne laga aaina bhi unhen

jab aaine ke samne wo chham se aa gaye

hum ne paDhi jo bazm mein apni ghazal nai

sab ne kaha huzur to mahfil pe chha gaye

duniya ke un amiron se achchhe hain wo gharib

apni jo bhuk mar ke bachche paDha gaye

dil ko pakaD ke ro liye ji bhar ke hum 'asar'

tanhai mein wo jab bhi hamein yaad aa gaye