us ka arman uski hasrat kya
us kā armān us kī hasrat kyā
vo nahīñ hai to phir mohabbat kyā
aap dil ke makīn ho ga.e haiñ
aap ko ab koī ijāzat kyā
hijr jab dā.imī sā ho jaa.e
saañs lene kī phir zarūrat kyā
mārnā hai to maar Daalo mujhe
is qadar 'ishq meñ muravvat kyā
ek dīvāngī sī sar meñ hai
ban ga.ī hai ye merī 'ādat kyā
kaan rakh kar zamīn par dekho
aa rahī hai sadā-e-ulfat kyā
aaj kal koī mashġhala hī nahīñ
hai isī shai kā naam fursat kyā
us ka arman us ki hasrat kya
wo nahin hai to phir mohabbat kya
aap dil ke makin ho gae hain
aap ko ab koi ijazat kya
hijr jab daimi sa ho jae
sans lene ki phir zarurat kya
marna hai to mar Dalo mujhe
is qadar 'ishq mein murawwat kya
ek diwangi si sar mein hai
ban gai hai ye meri 'adat kya
kan rakh kar zamin par dekho
aa rahi hai sada-e-ulfat kya
aaj kal koi mashghala hi nahin
hai isi shai ka nam fursat kya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
