tha junun kitna meri chahat mein

thā junūñ kitnā merī chāhat meñ

zulm sahtā huuñ ab mohabbat meñ

dekh kar ḳhud ko maiñ huā hairāñ

kitnā badlā huuñ us kī chāhat meñ

duur jaane se kuchh nahīñ badlā

bas izāfa huā aziyyat meñ

ab maiñ itnā hī chāhtā huuñ bas

maut likh duuñ maiñ apnī qismat meñ

bevafā.ī agar na kī hotī

muñh chhupāte nahīñ nadāmat meñ

koī thā hī nahīñ vahāñ merā

saare bole tirī himāyat meñ

jo sajā.ī thī shauq se maiñ ne

mar gayā huuñ usī 'imārat meñ

roz ḳhud ko badalte rahte ho

rang kitne haiñ terī rangat meñ

mujh ko ab zahr dījiye koī

farq aayā nahīñ tabī'at meñ

jin ko paalā thā apne hāthoñ se

kaam aa.e nahīñ musībat meñ

tha junun kitna meri chahat mein

zulm sahta hun ab mohabbat mein

dekh kar KHud ko main hua hairan

kitna badla hun us ki chahat mein

dur jaane se kuchh nahin badla

bas izafa hua aziyyat mein

ab main itna hi chahta hun bas

maut likh dun main apni qismat mein

bewafai agar na ki hoti

munh chhupate nahin nadamat mein

koi tha hi nahin wahan mera

sare bole teri himayat mein

jo sajai thi shauq se main ne

mar gaya hun usi 'imarat mein

roz KHud ko badalte rahte ho

rang kitne hain teri rangat mein

mujh ko ab zahr dijiye koi

farq aaya nahin tabi'at mein

jin ko pala tha apne hathon se

kaam aae nahin musibat mein