ruh uljhan mein rahi jism adakari mein
ruuh uljhan meñ rahī jism adākārī meñ
'umr hī biit ga.ī jiine kī tayyārī meñ
jurm vaise to na thā kuchh bhī hamārā lekin
ham bhī maare hī ga.e haq kī taraf-dārī meñ
phuul achchhe haiñ magar DhūñDh rahe haiñ ham to
ek titlī ko bahut der se phulvārī meñ
dil to royā thā magar aañkh ko rone na diyā
un se bichhḌe the 'ajab ranj meñ lāchārī meñ
pyaar muskān vafā aur tumhāre vā'de
ab bhī rakkhe haiñ sabhī yaad kī almārī meñ
bas yahī keh ke diyā ḳhud ko dilāsa ham ne
yaar ye 'umr bhī kaT jā.egī ḳhud-dārī meñ
ruh uljhan mein rahi jism adakari mein
'umr hi bit gai jine ki tayyari mein
jurm waise to na tha kuchh bhi hamara lekin
hum bhi mare hi gae haq ki taraf-dari mein
phul achchhe hain magar DhunDh rahe hain hum to
ek titli ko bahut der se phulwari mein
dil to roya tha magar aankh ko rone na diya
un se bichhDe the 'ajab ranj mein lachaari mein
pyar muskan wafa aur tumhaare wa'de
ab bhi rakkhe hain sabhi yaad ki almari mein
bas yahi keh ke diya KHud ko dilasa hum ne
yar ye 'umr bhi kaT jaegi KHud-dari mein
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
