mujhe bechain rakkha hai musalsal in sawalon ne

mujhe bechain rakkhā hai musalsal in savāloñ ne

nahīñ sone diyā mujh ko sitam-gar ke ḳhayāloñ ne

karūñgā ruḳh nahīñ ai 'ishq terī samt dobāra

bahut bad-nām kar Daalā hai tere shahr vāloñ ne

maiñ tanhā raat bhar baiThā rahā dīvār se lag kar

diyā mujh ko sahārā raat bhar in mai ke pyāloñ ne

sukūñ miltā hai mujh ko huuñ musāfir maiñ añdheroñ kā

rakhā ḳhāmosh mujh ko 'umr bhar din ke ujāloñ ne

na aayā saath apnā koī dā'vā thā mohabbat kā

nibhāyā saath sadiyoñ tak faqat hāthoñ ke chhāloñ ne

na hai āsāñ na thī hamvār rasm-e-'ishq duniyā meñ

hazāroñ zaḳhm khaa.e haiñ mohabbat karne vāloñ ne

mujhe bechain rakkha hai musalsal in sawalon ne

nahin sone diya mujh ko sitam-gar ke KHayalon ne

karunga ruKH nahin ai 'ishq teri samt dobara

bahut bad-nam kar Dala hai tere shahr walon ne

main tanha raat bhar baiTha raha diwar se lag kar

diya mujh ko sahaara raat bhar in mai ke pyalon ne

sukun milta hai mujh ko hun musafir main andheron ka

rakha KHamosh mujh ko 'umr bhar din ke ujalon ne

na aaya sath apna koi da'wa tha mohabbat ka

nibhaya sath sadiyon tak faqat hathon ke chhaalon ne

na hai aasan na thi hamwar rasm-e-'ishq duniya mein

hazaron zaKHm khae hain mohabbat karne walon ne