kyun wahshat ki bel ug aai waqt mila to sochenge

kyuuñ vahshat kī bel ug aa.ī vaqt milā to socheñge

kis ne junūñ kī raakh aḌaa.ī vaqt milā to socheñge

lams-e-mulā.em narm kalā.ī vaqt milā to socheñge

kahāñ gayā vo dast-e-hinā.ī vaqt milā to socheñge

kis se huī thī hāthā-pā.ī vaqt milā to socheñge

kyuuñ udhḌī dil kī turpāī vaqt milā to socheñge

jaan pe apne kyuuñ ban aa.ī vaqt milā to socheñge

qabr sī pur-afshāñ tanhā.ī vaqt milā to socheñge

raqs zamāna karte rahe aur ik din ek hī dam ke saath

jaane kis kis kī yaad aa.ī vaqt milā to socheñge

ḳhvāb haqīqat āh-o-fuġhāñ aur nāla-e-dil fariyād yā maiñ

pahle kis par maut bar aa.ī vaqt milā to socheñge

kyun wahshat ki bel ug aai waqt mila to sochenge

kis ne junun ki rakh aDai waqt mila to sochenge

lams-e-mulaem narm kalai waqt mila to sochenge

kahan gaya wo dast-e-hinai waqt mila to sochenge

kis se hui thi hatha-pai waqt mila to sochenge

kyun udhDi dil ki turpai waqt mila to sochenge

jaan pe apne kyun ban aai waqt mila to sochenge

qabr si pur-afshan tanhai waqt mila to sochenge

raqs zamana karte rahe aur ek din ek hi dam ke sath

jaane kis kis ki yaad aai waqt mila to sochenge

KHwab haqiqat aah-o-fughan aur nala-e-dil fariyaad ya main

pahle kis par maut bar aai waqt mila to sochenge