dil to hai dil-dar nahin hai
dil to hai dil-dār nahīñ hai
ruuh tabhī sarshār nahīñ hai
manzil tak bhī jā saktā huuñ
rasta bhī dushvār nahīñ hai
dekh suhūlat se bichhḌe haiñ
aur koī takrār nahīñ hai
duniyā meñ bhī dil nahīñ lagtā
vahshat bhī darkār nahīñ hai
vo bhī dasht-navard azal kā
merā bhī ghar-bār nahīñ hai
'ishq binā tum mar jāoge
ye merā inkār nahīñ hai
dil darvāza band na karnā
ye masnad be-kār nahīñ hai
vo jis haal meñ rakkhe 'jāmī'
merā kuchh isrār nahīñ hai
dil to hai dil-dar nahin hai
ruh tabhi sarshaar nahin hai
manzil tak bhi ja sakta hun
rasta bhi dushwar nahin hai
dekh suhulat se bichhDe hain
aur koi takrar nahin hai
duniya mein bhi dil nahin lagta
wahshat bhi darkar nahin hai
wo bhi dasht-naward azal ka
mera bhi ghar-bar nahin hai
'ishq bina tum mar jaoge
ye mera inkar nahin hai
dil darwaza band na karna
ye masnad be-kar nahin hai
wo jis haal mein rakkhe 'jami'
mera kuchh israr nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
