apni be-laus mohabbat ko jo ruswa dekhun
apnī be-laus mohabbat ko jo rusvā dekhūñ
phir ravāñ aañkh se hotā huā dariyā dekhūñ
merī āñkhoñ pe ye paTTī hī bañdhī rahne do
matlabī sab haiñ yahāñ kis ko maiñ apnā dekhūñ
'umr bhar ke liye maiñ gosha-nashīñ ho jā.ūñ
merī ḳhvāhish hī nahīñ hai ki maiñ duniyā dekhūñ
jo ye kahtī thī mohabbat meñ rahūñgī zinda
aisī laḌkī kā bhalā kaise janāza dekhūñ
maiñ ne logoñ ko bulāyā hai ki mujh par vo hañseñ
tirī ḳhvāhish thī ki maiñ apnā tamāshā dekhūñ
mujh pe qābiz haiñ jo vīrāniyāñ itnī 'rūbī'
ab tamannā hai yahī ḳhud ko maiñ tanhā dekhūñ
apni be-laus mohabbat ko jo ruswa dekhun
phir rawan aankh se hota hua dariya dekhun
meri aankhon pe ye paTTi hi bandhi rahne do
matlabi sab hain yahan kis ko main apna dekhun
'umr bhar ke liye main gosha-nashin ho jaun
meri KHwahish hi nahin hai ki main duniya dekhun
jo ye kahti thi mohabbat mein rahungi zinda
aisi laDki ka bhala kaise janaza dekhun
main ne logon ko bulaya hai ki mujh par wo hansen
teri KHwahish thi ki main apna tamasha dekhun
mujh pe qabiz hain jo viraniyan itni 'rubi'
ab tamanna hai yahi KHud ko main tanha dekhun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
