andheri raaton mein phir sath mein ujala gaya

añdherī rātoñ meñ phir saath meñ ujālā gayā

shajar lagā.e jahāñ par paḌāv Daalā gayā

jo vaqt miltā to kuchh aur kaam kar lete

hamāre jaisoñ se bas 'ishq rog paalā gayā

abhī jo haath haiñ malte malūl baiThe haiñ

na us ko rok haiñ paa.e na dil sañbhālā gayā

galī galī meñ ghuTan nafratoñ ke Dere bane

vafā kī rasmoñ ko jab shahr se nikālā gayā

havā uḌā ke chalī hai bharā ġhubāra nahīñ

ġharīb shaḳhs ke hāthoñ se ik nivāla gayā

ġharīb-e-shahr kī rozoñ ne laaj rakh lī hai

agarche fāqoñ kā qissa bahut uchhālā gayā

nahīñ thī us kī zarūrat ki kamra ḳhālī thā

so aage chābī chalī pīchhe pīchhe taalā gayā

kabhī to vaqt ne milne nahīñ diyā hai mujhe

kabhī bahānoñ se mujh ko 'visāl' Taalā gayā

andheri raaton mein phir sath mein ujala gaya

shajar lagae jahan par paDaw Dala gaya

jo waqt milta to kuchh aur kaam kar lete

hamare jaison se bas 'ishq rog pala gaya

abhi jo hath hain malte malul baiThe hain

na us ko rok hain pae na dil sanbhaala gaya

gali gali mein ghuTan nafraton ke Dere bane

wafa ki rasmon ko jab shahr se nikala gaya

hawa uDa ke chali hai bhara ghubara nahin

gharib shaKHs ke hathon se ek niwala gaya

gharib-e-shahr ki rozon ne laj rakh li hai

agarche faqon ka qissa bahut uchhaala gaya

nahin thi us ki zarurat ki kamra KHali tha

so aage chabi chali pichhe pichhe tala gaya

kabhi to waqt ne milne nahin diya hai mujhe

kabhi bahanon se mujh ko 'visal' Tala gaya