aaj tujhe jis shoKH-hasin ne is janjal mein Dal diya

aaj tujhe jis shoḳh-hasīñ ne is janjāl meñ Daal diyā

us ne mujh se dil māñgā thā lekin maiñ ne Taal diyā

ek navele jazbe se nam halkī sī siskārī ne

dhaḌkan kī raftār baḌhā.ī jazboñ ko bhūñchāl diyā

pahroñ aamne sāmne baiThe lekin koī baat na kī

āḳhrī vaqt meñ us ne bosa merī samt uchhāl diyā

shaam Dhale jab tanhā.ī kā ḳhauf badan par taarī thā

terī yaad ke sandesoñ ne dard mazīd ujaal diyā

kāġhazī phūloñ se bhī ḳhushbū had-darja mahsūs huī

kaaḌh ke apne hāthoñ se jab us ne mujhe rūmāl diyā

aaj tujhe jis shoKH-hasin ne is janjal mein Dal diya

us ne mujh se dil manga tha lekin main ne Tal diya

ek nawele jazbe se nam halki si siskari ne

dhaDkan ki raftar baDhai jazbon ko bhunchaal diya

pahron aamne samne baiThe lekin koi baat na ki

aaKHri waqt mein us ne bosa meri samt uchhaal diya

sham Dhale jab tanhai ka KHauf badan par tari tha

teri yaad ke sandeson ne dard mazid ujal diya

kaghazi phulon se bhi KHushbu had-darja mahsus hui

kaDh ke apne hathon se jab us ne mujhe rumal diya