tanhai ke lamhat ka ehsas hua hai

tanhā.ī ke lamhāt kā ehsās huā hai

jab tāroñ bharī raat kā ehsās huā hai

kuchh ḳhud bhī huuñ maiñ ishq meñ afsurda o ġhamgīñ

kuchh talḳhi-e-hālāt kā ehsās huā hai

kyā dekhiye un tīra-nasīboñ kā ho anjām

din meñ bhī jinheñ raat kā ehsās huā hai

vo zulm bhī ab zulm kī had tak nahīñ karte

āḳhir unheñ kis baat kā ehsās huā hai

bāzī-gah-e-ālam meñ to ik khel hai jiinā

is khel meñ kab maat kā ehsās huā hai

ruḳh par tire bikhrī huī zulfoñ kā ye aalam

din kā to kabhī raat kā ehsās huā hai

kuchh ḳhud bhī vo nādim haiñ 'nasīm' apnī jafā par

kuchh merī shikāyāt kā ehsās huā hai

tanhai ke lamhat ka ehsas hua hai

jab taron bhari raat ka ehsas hua hai

kuchh KHud bhi hun main ishq mein afsurda o ghamgin

kuchh talKHi-e-haalat ka ehsas hua hai

kya dekhiye un tira-nasibon ka ho anjam

din mein bhi jinhen raat ka ehsas hua hai

wo zulm bhi ab zulm ki had tak nahin karte

aaKHir unhen kis baat ka ehsas hua hai

bazi-gah-e-alam mein to ek khel hai jina

is khel mein kab mat ka ehsas hua hai

ruKH par tere bikhri hui zulfon ka ye aalam

din ka to kabhi raat ka ehsas hua hai

kuchh KHud bhi wo nadim hain 'nasim' apni jafa par

kuchh meri shikayat ka ehsas hua hai