tamannaon mein uljhaya gaya hun

tamannāoñ meñ uljhāyā gayā huuñ

khilaune de ke bahlāyā gayā huuñ

huuñ is kūche ke har zarre se āgāh

idhar se muddatoñ aayā gayā huuñ

nahīñ uThte qadam kyuuñ jānib-e-dair

kisī masjid meñ bahkāyā gayā huuñ

dil-e-muztar se pūchh ai raunaq-e-bazm

maiñ ḳhud aayā nahīñ laayā gayā huuñ

saverā hai bahut ai shor-e-mahshar

abhī bekār uThvāyā gayā huuñ

satāyā aa ke pahroñ aarzū ne

jo dam bhar aap meñ paayā gayā huuñ

na thā maiñ mo'taqid e.ajāz-e-mai kā

baḌī mushkil se manvāyā gayā huuñ

kujā maiñ aur kujā ai 'shād' duniyā

kahāñ se kis jagah laayā gayā huuñ

tamannaon mein uljhaya gaya hun

khilaune de ke bahlaya gaya hun

hun is kuche ke har zarre se aagah

idhar se muddaton aaya gaya hun

nahin uThte qadam kyun jaanib-e-dair

kisi masjid mein bahkaya gaya hun

dil-e-muztar se puchh ai raunaq-e-bazm

main KHud aaya nahin laya gaya hun

sawera hai bahut ai shor-e-mahshar

abhi bekar uThwaya gaya hun

sataya aa ke pahron aarzu ne

jo dam bhar aap mein paya gaya hun

na tha main mo'taqid eajaz-e-mai ka

baDi mushkil se manwaya gaya hun

kuja main aur kuja ai 'shad' duniya

kahan se kis jagah laya gaya hun