yun unhen ahwal-e-dard-e-ishq samjhata hai dil

yuuñ unheñ ahvāl-e-dard-e-'ishq samjhātā hai dil

har nafas ġham kī na.ī tasvīr ban jaatā hai dil

shām-e-ġham kuchh āñsuoñ se yuuñ bahal jaatā hai dil

kahkashāñ bhī sāmne aa.e to Thukrātā hai dil

aur kuchh soz-e-nihāñ kī aag bhaḌkātā hai dil

ashk barsāne se qaabū meñ kahīñ aatā hai dil

roz ik sail-e-tamannā roz ik tūfān-e-shauq

apnī hī tuġhyāniyoñ meñ Dūbtā jaatā hai dil

un se hī vābasta rah kar zindagī hai zindagī

vo agar dāman chhuḌā leñ phir to mar jaatā hai dil

ye nigāh-o-dil kā rishta bhī hai nāzuk kis qadar

har nigāh-e-lutf kī jumbish pe ghabrātā hai dil

soz-o-sāz-e-ġham meñ haiñ donoñ barābar ke sharīk

dil ko samjhātā huuñ maiñ aur mujh ko samjhātā hai dil

koī shīsha mil rahā hai jaise sāġhar se gale

uf vo nāzuk sā'ateñ jab dil se Takrātā hai dil

kis qadar tārīk haiñ lamhāt-e-shām-e-intizār

bujhte jaate haiñ sitāre Dūbtā jaatā hai dil

vo nigāheñ de rahī haiñ laakh paiġhām-e-sukūñ

is ko kyā kiije ki be-qābū huā jaatā hai dil

har nafas ik sho'la hai 'iqbāl' har dhaḌkan hai aag

ġham meñ jaltā hai to jaltā hī chalā jaatā hai dil

yun unhen ahwal-e-dard-e-'ishq samjhata hai dil

har nafas gham ki nai taswir ban jata hai dil

sham-e-gham kuchh aansuon se yun bahal jata hai dil

kahkashan bhi samne aae to Thukraata hai dil

aur kuchh soz-e-nihan ki aag bhaDkata hai dil

ashk barsane se qabu mein kahin aata hai dil

roz ek sail-e-tamanna roz ek tufan-e-shauq

apni hi tughyaniyon mein Dubta jata hai dil

un se hi wabasta rah kar zindagi hai zindagi

wo agar daman chhuDa len phir to mar jata hai dil

ye nigah-o-dil ka rishta bhi hai nazuk kis qadar

har nigah-e-lutf ki jumbish pe ghabraata hai dil

soz-o-saz-e-gham mein hain donon barabar ke sharik

dil ko samjhata hun main aur mujh ko samjhata hai dil

koi shisha mil raha hai jaise saghar se gale

uf wo nazuk sa'aten jab dil se Takraata hai dil

kis qadar tarik hain lamhat-e-sham-e-intizar

bujhte jate hain sitare Dubta jata hai dil

wo nigahen de rahi hain lakh paigham-e-sukun

is ko kya kije ki be-qabu hua jata hai dil

har nafas ek sho'la hai 'iqbaal' har dhaDkan hai aag

gham mein jalta hai to jalta hi chala jata hai dil