muddai kyun na bana dad-gari ka bais

mudda'ī kyuuñ na banā dād-garī kā bā'is

kyuuñ banāyā mujhe jādū-nazarī kā bā'is

dil ko mā'lūm hai dard-e-jigarī kā bā'is

hai ye kāfir tirī jādū-nazarī kā bā'is

jab rasā.ī na huī zulf-e-rasā tak mumkin

yahī saudā huā āshufta-sarī kā bā'is

haath meñ aa gayā dāmān-e-tamanna sad-shukr

rahe qaa.em ye du'ā-e-saharī kā bā'is

jab mujhe ḳhud nahīñ mā'lūm to kis se pūchhūñ

kaun batlā.egā is be-ḳhabarī kā bā'is

terī duzdīda-nigāhoñ ke sivā aur nahīñ

be-dilī aur mirī be-jigarī kā bā'is

raah lī kūcha-e-gesū kī dil-e-vahshī ne

phir ye dīvāna banā dard-e-sarī kā bā'is

ik ḳhalish sī hai ki rah rah ke khaTak hotī hai

aur khultā nahīñ dard-e-jigarī kā bā'is

zulm-e-nā-haq hai jab ehsān kā badla 'mohsin'

daad phir kyuuñ na ho bedād-garī kā bā'is

mudda'i kyun na bana dad-gari ka ba'is

kyun banaya mujhe jadu-nazari ka ba'is

dil ko ma'lum hai dard-e-jigari ka ba'is

hai ye kafir teri jadu-nazari ka ba'is

jab rasai na hui zulf-e-rasa tak mumkin

yahi sauda hua aashufta-sari ka ba'is

hath mein aa gaya daman-e-tamanna sad-shukr

rahe qaem ye du'a-e-sahari ka ba'is

jab mujhe KHud nahin ma'lum to kis se puchhun

kaun batlaega is be-KHabari ka ba'is

teri duzdida-nigahon ke siwa aur nahin

be-dili aur meri be-jigari ka ba'is

rah li kucha-e-gesu ki dil-e-wahshi ne

phir ye diwana bana dard-e-sari ka ba'is

ek KHalish si hai ki rah rah ke khaTak hoti hai

aur khulta nahin dard-e-jigari ka ba'is

zulm-e-na-haq hai jab ehsan ka badla 'mohsin'

dad phir kyun na ho bedad-gari ka ba'is