jahan dil ka rona wahan dil-lagi hai
jahāñ dil kā ronā vahāñ dil-lagī hai
hamārī musībat hai un kī hañsī hai
kahāñ zarf merā kahāñ sāġhar-e-mai
pilā de to saaqī kī dariyā-dilī hai
ḳhudā ke liye kaj-adā.ī ko chhoḌo
tum achchhe ho lekin ye 'ādat burī hai
visāl un kā mumkin ho yā ġhair-mumkin
bahar-hāl merī tamannā yahī hai
unheñ mujh se zid hogī nafrat na hogī
natīja to har haal meñ ek hī hai
hai ik rāz-e-sar-basta rūdād merī
na maiñ ne kahī hai na us ne sunī hai
vo kahte haiñ vāqif nahīñ ham 'qamar' se
sunā hai baḌā bad-nasīb aadmī hai
jahan dil ka rona wahan dil-lagi hai
hamari musibat hai un ki hansi hai
kahan zarf mera kahan saghar-e-mai
pila de to saqi ki dariya-dili hai
KHuda ke liye kaj-adai ko chhoDo
tum achchhe ho lekin ye 'adat buri hai
visal un ka mumkin ho ya ghair-mumkin
bahar-haal meri tamanna yahi hai
unhen mujh se zid hogi nafrat na hogi
natija to har haal mein ek hi hai
hai ek raaz-e-sar-basta rudad meri
na main ne kahi hai na us ne suni hai
wo kahte hain waqif nahin hum 'qamar' se
suna hai baDa bad-nasib aadmi hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
