tamam khel-tamashon ke darmiyan wahi
tamām khel-tamāshoñ ke darmiyān vahī
vo merā dushman-e-jāñ ya.anī mehrbān vahī
hazār rāste badle hazār svāñg rache
magar hai raqs meñ sar par ik āsmān vahī
sabhī ko us kī aziyyat kā hai yaqīn magar
hamāre shahr meñ hai rasm-e-imtihān vahī
tumhāre dard se jaage to un kī qadr khulī
vagarna pahle bhī apne the jism-o-jān vahī
vahī hurūf vahī apne be-asar fiqre
vahī bujhe hue mauzūa aur bayān vahī
tamam khel-tamashon ke darmiyan wahi
wo mera dushman-e-jaan yani mehrban wahi
hazar raste badle hazar swang rache
magar hai raqs mein sar par ek aasman wahi
sabhi ko us ki aziyyat ka hai yaqin magar
hamare shahr mein hai rasm-e-imtihan wahi
tumhaare dard se jage to un ki qadr khuli
wagarna pahle bhi apne the jism-o-jaan wahi
wahi huruf wahi apne be-asar fiqre
wahi bujhe hue mauzua aur bayan wahi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
