ye saaten bhi zara tum guzar kar dekho
ye sā'ateñ bhī zarā tum guzār kar dekho
ki jis ko jiit ke dekhā hai haar kar dekho
shanāḳht ho na sakegī tumhārī duniyā meñ
tum apnī shakl se mujh ko utaar kar dekho
tumhāre mas.ale saare sulajh hī jā.eñge
matā'-e-jāñ mirī zulfeñ sañvār kar dekho
tumhārī ho ke guzārī hai zindagī jaise
maiñ chāhtī huuñ use tum guzār kar dekho
bahāl sadqe se hotī nahīñ tabī'at to
zarā hamārī nazar ḳhud se vaar kar dekho
ye sa'aten bhi zara tum guzar kar dekho
ki jis ko jit ke dekha hai haar kar dekho
shanaKHt ho na sakegi tumhaari duniya mein
tum apni shakl se mujh ko utar kar dekho
tumhaare masale sare sulajh hi jaenge
mata'-e-jaan meri zulfen sanwar kar dekho
tumhaari ho ke guzari hai zindagi jaise
main chahti hun use tum guzar kar dekho
bahaal sadqe se hoti nahin tabi'at to
zara hamari nazar KHud se war kar dekho
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
