yaqin puKHta hua to qadam sanbhalne lage
yaqīn puḳhta huā to qadam sañbhalne lage
usī se jiit ke raste ka.ī nikalne lage
hamārī kashtī jo thoḌī sī Dagmagā.ī to
qarīb-o-dūr ke dariyā ka.ī uchhalne lage
the be-ḳhayāl to chhūTe ka.ī hasīñ lamhe
ḳhayāl aayā to ham log haath malne lage
jo iztirāb-o-alam kī ghaTā.eñ chhā.īñ to
ġhazal ke sāñche meñ jazbāt mere Dhalne lage
jinheñ samajhtā thā maiñ ḳhair-ḳhvāh aur be-laus
kuchh aise dost bhī 'e'jāz' chaal chalne lage
yaqin puKHta hua to qadam sanbhalne lage
usi se jit ke raste kai nikalne lage
hamari kashti jo thoDi si Dagmagai to
qarib-o-dur ke dariya kai uchhalne lage
the be-KHayal to chhuTe kai hasin lamhe
KHayal aaya to hum log hath malne lage
jo iztirab-o-alam ki ghaTaen chhain to
ghazal ke sanche mein jazbaat mere Dhalne lage
jinhen samajhta tha main KHair-KHwah aur be-laus
kuchh aise dost bhi 'e'jaz' chaal chalne lage
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
