mujhko nahin umid koi mumkinat se
mujh ko nahīñ umiid koī mumkināt se
uktā ga.ī ho zindagī jab hādsāt se
dekhā jo reza reza mirā soḳhta badan
Darne lagā hai ā.īna ḳhud juzviyāt se
ye ibtidā-e-'ishq na āsāñ ḳhayāl kar
insān sīkhtā hai yahāñ tajrabāt se
tū laakh Dhaal pyaar ke sāñche meñ apnā aap
lekin maiñ āshnā huuñ tirī nafsiyāt se
ik phuul se ziyāda vo nāzuk mizāj hai
kaise kareñ muḳhātab use saḳht baat se
pahlū meñ sabr ke bhī zarā baiThiye huzūr
itnā lipaT ke rote nahīñ ḳhvāhishāt se
ye zaḳhm zaḳhm-e-dil hai nahīñ jism kī ḳharāsh
kuchh fā.ida na hogā tumheñ adviyāt se
rusvā kareñ jo tujh ko zamāne ke sāmne
'zarvā' kā ijtināb hai un fāsidāt se
mujh ko nahin umid koi mumkinat se
ukta gai ho zindagi jab hadsat se
dekha jo reza reza mera soKHta badan
Darne laga hai aaina KHud juzwiyat se
ye ibtida-e-'ishq na aasan KHayal kar
insan sikhta hai yahan tajrabaat se
tu lakh Dhaal pyar ke sanche mein apna aap
lekin main aashna hun teri nafsiyat se
ek phul se ziyaada wo nazuk mizaj hai
kaise karen muKHatab use saKHt baat se
pahlu mein sabr ke bhi zara baiThiye huzur
itna lipaT ke rote nahin KHwahishat se
ye zaKHm zaKHm-e-dil hai nahin jism ki KHarash
kuchh faida na hoga tumhein adwiyat se
ruswa karen jo tujh ko zamane ke samne
'zarwa' ka ijtinab hai un fasidat se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
