jo hans kar ashk pina jaanta hai
jo hañs kar ashk piinā jāntā hai
vo jiine kā salīqa jāntā hai
tumhāre shahr kā munsif vahī hai
jo qātil ko masīhā jāntā hai
use bazm-e-suḳhan kā miir kahiye
vo lafzoñ ko baratnā jāntā hai
ḳhirad nā-vāqif-e-asrār Thahrī
junūñ auqāt-e-sahrā jāntā hai
use bachcha na samjho 'ahd-e-nau kā
na.e sūraj ugānā jāntā hai
batā.ūñ us kī maiñ pahchān 'āmir'
bahut chehre badalnā jāntā hai
jo hans kar ashk pina jaanta hai
wo jine ka saliqa jaanta hai
tumhaare shahr ka munsif wahi hai
jo qatil ko masiha jaanta hai
use bazm-e-suKHan ka mir kahiye
wo lafzon ko baratna jaanta hai
KHirad na-waqif-e-asrar Thahri
junun auqat-e-sahra jaanta hai
use bachcha na samjho 'ahd-e-nau ka
nae suraj ugana jaanta hai
bataun us ki main pahchan 'amir'
bahut chehre badalna jaanta hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
