agar pata ho ki kis tariqe se kaun sa karb jhelna hai

agar pata ho ki kis tarīqe se kaun sā karb jhelnā hai

to phir samajh lo bahut hī āsāñ hayāt kā khel khelnā hai

mire qabīle ke kuchh baḌe mujh ko jaate jaate batā gaye the

ki zindagī meñ hazāroñ pāpaḌ haiñ kab kise kaise belnā hai

ye daur daur-e-munāfiqat hai so bā'd-az-ġhaur tai karo ye

ki kis ko apnī nigah ke ziine se dil kī jānib dhakelnā hai

ai mere mālik ye terī duniyā mujhe bas itnī samajh meñ aa.ī

na is ko sar pe chaḌhā ke rakhnā na is ko pairoñ se relnā hai

baġhair matlab ke chand qatre bhī paḌ gaye to bahut haiñ 'kāshif'

baġhair matlab ke varna kis ne yahāñ mohabbat uñDelnā hai

agar pata ho ki kis tariqe se kaun sa karb jhelna hai

to phir samajh lo bahut hi aasan hayat ka khel khelna hai

mere qabile ke kuchh baDe mujh ko jate jate bata gaye the

ki zindagi mein hazaron papaD hain kab kise kaise belna hai

ye daur daur-e-munafiqat hai so ba'd-az-ghaur tai karo ye

ki kis ko apni nigah ke zine se dil ki jaanib dhakelna hai

ai mere malik ye teri duniya mujhe bas itni samajh mein aai

na is ko sar pe chaDha ke rakhna na is ko pairon se relna hai

baghair matlab ke chand qatre bhi paD gaye to bahut hain 'kashif'

baghair matlab ke warna kis ne yahan mohabbat unDelna hai