achchha nahin kahenge ki laghzish nahin hui

achchhā nahīñ kaheñge ki laġhzish nahīñ huī

tum bhī to aisā mat kaho sāzish nahīñ huī

vāqif haiñ āsmān kī vus'at se is liye

ham ko kabhī bhī chāñd kī ḳhvāhish nahīñ huī

jitnī tavajjoh aap ne mere suḳhan ko dī

aisī kabhī hamārī satā.ish nahīñ huī

murjhā ga.e the dhuup kī shiddat se phuul sab

aur log keh rahe the ki bārish nahīñ huī

ham jānte the dekh ke tū loT aa.egā

zaḳhm itnā qīmtī thā numā.ish nahīñ huī

sab pūchhte haiñ ‘zāmī’ mohabbat meñ ġham milā

kahtī huuñ mujh pe aisī navāzish nahīñ huī

achchha nahin kahenge ki laghzish nahin hui

tum bhi to aisa mat kaho sazish nahin hui

waqif hain aasman ki wus'at se is liye

hum ko kabhi bhi chand ki KHwahish nahin hui

jitni tawajjoh aap ne mere suKHan ko di

aisi kabhi hamari sataish nahin hui

murjha gae the dhup ki shiddat se phul sab

aur log keh rahe the ki barish nahin hui

hum jaante the dekh ke tu loT aaega

zaKHm itna qimti tha numaish nahin hui

sab puchhte hain ‘zami’ mohabbat mein gham mila

kahti hun mujh pe aisi nawazish nahin hui