raegan ho gaya tabassum bhi

rā.egāñ ho gayā tabassum bhī

dil ko taskīñ na de sake tum bhī

dil kī ḳhāmosh aarzū pe na jā

dil meñ haiñ saikḌoñ talātum bhī

ik taġhāful se ik tavajjoh tak

'ishq aañsū bhī hai tabassum bhī

rang-e-ruḳh tū hī ab fasāna chheḌ

saath detā nahīñ takallum bhī

allah allah nazākat-e-ġham-e-'ishq

baar hotā hai ik tabassum bhī

jaane kyā kyā ḳhayāl aate haiñ

yaad aate nahīñ ho jab tum bhī

jām-o-mīnā meñ phuul khilne lage

uḌ ke pohñchā kahāñ tabassum bhī

tum se ummīd-e-pursish-e-ġham thī

muskurā kar guzar ga.e tum bhī

kis ko dekhā hai aaj ai 'iqbāl'

dhuñdle dhuñdle haiñ māh-o-anjum bhī

raegan ho gaya tabassum bhi

dil ko taskin na de sake tum bhi

dil ki KHamosh aarzu pe na ja

dil mein hain saikDon talatum bhi

ek taghaful se ek tawajjoh tak

'ishq aansu bhi hai tabassum bhi

rang-e-ruKH tu hi ab fasana chheD

sath deta nahin takallum bhi

allah allah nazakat-e-gham-e-'ishq

bar hota hai ek tabassum bhi

jaane kya kya KHayal aate hain

yaad aate nahin ho jab tum bhi

jam-o-mina mein phul khilne lage

uD ke pohncha kahan tabassum bhi

tum se ummid-e-pursish-e-gham thi

muskura kar guzar gae tum bhi

kis ko dekha hai aaj ai 'iqbaal'

dhundle dhundle hain mah-o-anjum bhi