ye chiKH chiKH ke har pal duhai deti hain
ye chīḳh chīḳh ke har pal duhā.ī detī haiñ
tumhārī socheñ mujhe kab rihā.ī detī haiñ
vo sāmne ho to kuchh bhī nazar nahīñ aatā
vo boltā ho to bāteñ dikhā.ī detī haiñ
masāfatoñ kī sa'ūbat se jab bikhar jā.ūñ
to maañ kī bāteñ hī mujh ko ikaa.ī detī haiñ
na jaane kis kā baserā hai dil ke kamre meñ
maiñ chup rahūñ bhī to chīḳheñ sunā.ī detī haiñ
vo jab ho duur to misra' bhī ġhair-mumkin hai
vo jab ho paas to ġhazleñ sujhā.ī detī haiñ
ye chiKH chiKH ke har pal duhai deti hain
tumhaari sochen mujhe kab rihai deti hain
wo samne ho to kuchh bhi nazar nahin aata
wo bolta ho to baaten dikhai deti hain
masafaton ki sa'ubat se jab bikhar jaun
to man ki baaten hi mujh ko ikai deti hain
na jaane kis ka basera hai dil ke kamre mein
main chup rahun bhi to chiKHen sunai deti hain
wo jab ho dur to misra' bhi ghair-mumkin hai
wo jab ho pas to ghazlen sujhai deti hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
