kya hua kya batata raha umr bhar

kyā huā kyā batātā rahā 'umr bhar

ġham hañsī meñ uḌātā rahā 'umr bhar

haal apnā kisī ko jatātā nahīñ

ashk apne chhupātā rahā 'umr bhar

saath chalte rahe par mile ham nahīñ

jism-o-jāñ maiñ jalātā rahā 'umr bhar

darmiyāñ baḌh ga.e aur bhī fāsle

vaqt guzrā satātā rahā 'umr bhar

ret par maiñ chalā bīhaḌoñ meñ rahā

ġham kī gaThrī uThātā rahā 'umr bhar

āñdhiyāñ gar thameñ to batā duuñ tujhe

rasm-e-ulfat nibhātā rahā 'umr bhar

ranj-e-furqat 'amar' jheltā hī rahā

ghar dhueñ kā banātā rahā 'umr bhar

kya hua kya batata raha 'umr bhar

gham hansi mein uData raha 'umr bhar

haal apna kisi ko jatata nahin

ashk apne chhupata raha 'umr bhar

sath chalte rahe par mile hum nahin

jism-o-jaan main jalata raha 'umr bhar

darmiyan baDh gae aur bhi fasle

waqt guzra satata raha 'umr bhar

ret par main chala bihaDon mein raha

gham ki gaThri uThata raha 'umr bhar

aandhiyan gar thamen to bata dun tujhe

rasm-e-ulfat nibhata raha 'umr bhar

ranj-e-furqat 'amar' jhelta hi raha

ghar dhuen ka banata raha 'umr bhar