mere huzur yahan jo amir hote hain
mire huzūr yahāñ jo amiir hote haiñ
vo sirf aap ke dar ke faqīr hote haiñ
vo shor-o-shar meñ sukūnat pazīr hote haiñ
jo log duniyā ke dil se asiir hote haiñ
jo log chhoḌ ke jaane meñ jaldī karte haiñ
maiñ jāntā huuñ vahī be-zamīr hote haiñ
kisī se koī bhī shikva nahīñ hai ham ko zarā
hamāre jaisoñ ke ġham bhī kasīr hote haiñ
tabhī to tohfe meñ us ko diyā hai aaj bouquet
ki phuul 'ishq ke pahle safīr hote haiñ
mirā to shahr farishtoñ kā shahr hai 'aḳhtar'
yahāñ pe log bhī munkir-nakīr hote haiñ
mere huzur yahan jo amir hote hain
wo sirf aap ke dar ke faqir hote hain
wo shor-o-shar mein sukunat pazir hote hain
jo log duniya ke dil se asir hote hain
jo log chhoD ke jaane mein jaldi karte hain
main jaanta hun wahi be-zamir hote hain
kisi se koi bhi shikwa nahin hai hum ko zara
hamare jaison ke gham bhi kasir hote hain
tabhi to tohfe mein us ko diya hai aaj bouquet
ki phul 'ishq ke pahle safir hote hain
mera to shahr farishton ka shahr hai 'aKHtar'
yahan pe log bhi munkir-nakir hote hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
