سخن بیمار ہوتا جا رہا ہے
لبوں پر بار ہوتا جا رہا ہے
کبھی جو راحت جاں مشغلہ تھا
وہ اب آزار ہوتا جا رہا ہے
سمجھ میں آ گیا چارہ گروں کی
مرض بے کار ہوتا جا رہا ہے
چبھا ہے پاؤں میں کانٹا خرد کا
جنوں بیدار ہوتا جا رہا ہے
تماشے سا تماشا ہے ہمارا
سر بازار ہوتا جا رہا ہے
پرانا زخم بھرنے کے جتن میں
نیا تیار ہوتا جا رہا ہے
کبھی جس پر عقیدہ تھا ہمارا
وہ بت مسمار ہوتا جا رہا ہے
Suggested Book
Raushni Jaari Karo
Buy This BookAdditional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
