lamhat mein barson se mahinon se laDenge

lamhāt meñ barsoñ se mahīnoñ se laḌeñge

ham jab bhī laḌeñ yaar qarīnoñ se laḌeñge

tārīḳh ke māthe pe hai likkhā huā dekho

bīmār badan shah ke ḳhazīnoñ se laḌeñge

sarmā.e se bārūd ḳharīdegā muqābil

mazdūr to mehnat ke pasīnoñ se laḌeñge

mat moḌ mashīnoñ se mire shahr kā paanī

jazbāt jo biphre to mashīnoñ se laḌeñge

ye jabr kā ye jahl kā ye zar kā tasallut

tum dekhnā ik vaqt meñ tīnoñ se laḌeñge

'ashroñ ke tadabbur ne yahī hukm sunāyā

ab ḳhāk-nashīñ taḳht-nashīnoñ se laḌeñge

ham log na.e she'r kī taḳhlīq kī ḳhātir

firdaus meñ bhī zohra-jabīnoñ se laḌeñge

lamhat mein barson se mahinon se laDenge

hum jab bhi laDen yar qarinon se laDenge

tariKH ke mathe pe hai likkha hua dekho

bimar badan shah ke KHazinon se laDenge

sarmae se barud KHaridega muqabil

mazdur to mehnat ke pasinon se laDenge

mat moD mashinon se mere shahr ka pani

jazbaat jo biphre to mashinon se laDenge

ye jabr ka ye jahl ka ye zar ka tasallut

tum dekhna ek waqt mein tinon se laDenge

'ashron ke tadabbur ne yahi hukm sunaya

ab KHak-nashin taKHt-nashinon se laDenge

hum log nae she'r ki taKHliq ki KHatir

firdaus mein bhi zohra-jabinon se laDenge