tumhaara lahja zara sa agar badalta hai

tumhārā lahja zarā sā agar badaltā hai

hamārī ruuh pe aarā sā jaise chaltā hai

kisī sabab se ise kaaT bhī nahīñ sakte

ye peḌ 'arse se ab phūltā na phaltā hai

hisāb karte hue dhyān meñ rahe tere

tirī taraf bhī mirā kitnā kuchh nikaltā hai

shadīd sardī paḌī thī hamāre shahr meñ aaj

tumhārī yaad kā lekin alaav jaltā hai

tumheñ bhī raushnī deñge ye tum se vā'da rahā

hamāre baḳht kā sūraj agar ubaltā hai

so kyuuñ na kar lo hazāroñ bhale se tadbīreñ

ye 'ishq vo hai ki jo jaan le ke Taltā hai

tumhaara lahja zara sa agar badalta hai

hamari ruh pe aara sa jaise chalta hai

kisi sabab se ise kaT bhi nahin sakte

ye peD 'arse se ab phulta na phalta hai

hisab karte hue dhyan mein rahe tere

teri taraf bhi mera kitna kuchh nikalta hai

shadid sardi paDi thi hamare shahr mein aaj

tumhaari yaad ka lekin alaw jalta hai

tumhein bhi raushni denge ye tum se wa'da raha

hamare baKHt ka suraj agar ubalta hai

so kyun na kar lo hazaron bhale se tadbiren

ye 'ishq wo hai ki jo jaan le ke Talta hai