waqt ke sath sabhi ko hai fasana hona

vaqt ke saath sabhī ko hai fasāna honā

ab na.e haiñ to hameñ bhī hai purānā honā

le ke nikle haiñ sabhī log gharoñ se neze

jaane kis kis ko hai kis kis kā nishāna honā

jitne phaile hue dāman the vo phaile hī rahe

chhoḌ kar sab ko kisī kā vo ravāna honā

bahr ho kar bhī muqayyad huuñ maiñ ik qatre meñ

jis tarah peḌ kā āġhāz meñ daana honā

chhoḌ degā vo kisī roz ise bhī 'ḳhāvar'

is libāde ko bhī ik din hai purānā honā

saañp hī saañp nazar aate haiñ har sū 'ḳhāvar'

mujh ko to maar gayā merā ḳhazāna honā

waqt ke sath sabhi ko hai fasana hona

ab nae hain to hamein bhi hai purana hona

le ke nikle hain sabhi log gharon se neze

jaane kis kis ko hai kis kis ka nishana hona

jitne phaile hue daman the wo phaile hi rahe

chhoD kar sab ko kisi ka wo rawana hona

bahr ho kar bhi muqayyad hun main ek qatre mein

jis tarah peD ka aaghaz mein dana hona

chhoD dega wo kisi roz ise bhi 'KHawar'

is libaade ko bhi ek din hai purana hona

sanp hi sanp nazar aate hain har su 'KHawar'

mujh ko to mar gaya mera KHazana hona