jab log hon aasuda bhula dete hain duniya

jab log hoñ āsūda bhulā dete haiñ duniyā

ham logoñ kī duniyā meñ milā dete haiñ duniyā

logoñ ko to mil jaate haiñ duniyā meñ masīhā

ham chāragarī meñ hī gañvā dete haiñ duniyā

ho zarf zamāne kā zamāne ko mubārak

ham phir se ujaḌne ko basā dete haiñ duniyā

hairān hai ḳhud ham pe ye fan bāzīgarī kā

haTte haiñ yuuñ manzar se sajā dete haiñ duniyā

dil rakhne ko duniyā kā yahāñ jhuk ke haiñ milte

par baat ho dil kī to jhukā dete haiñ duniyā

thā qissa vo jāñ-levā sunānā nahīñ mumkin

bas hañste haiñ aise ki rulā dete haiñ duniyā

is fikr meñ Duube haiñ samajh aa.e haqīqat

vo ḳhvāb nahīñ ham jo jagā dete haiñ duniyā

jab log hon aasuda bhula dete hain duniya

hum logon ki duniya mein mila dete hain duniya

logon ko to mil jate hain duniya mein masiha

hum chaaragari mein hi ganwa dete hain duniya

ho zarf zamane ka zamane ko mubarak

hum phir se ujaDne ko basa dete hain duniya

hairan hai KHud hum pe ye fan bazigari ka

haTte hain yun manzar se saja dete hain duniya

dil rakhne ko duniya ka yahan jhuk ke hain milte

par baat ho dil ki to jhuka dete hain duniya

tha qissa wo jaan-lewa sunana nahin mumkin

bas hanste hain aise ki rula dete hain duniya

is fikr mein Dube hain samajh aae haqiqat

wo KHwab nahin hum jo jaga dete hain duniya