aap se aap hi ek roz badal jaoge
aap se aap hī ik roz badal jāoge
aaj agar din ho to kal raat meñ Dhal jāoge
hādse aap banā leñge tumheñ apnā rafīq
ik na ik roz giroge to sañbhal jāoge
ḳhol jo ḳhud pe chaḌhāyā hai usī meñ Thahro
fikr ke ġhaar meñ utre to pighal jāoge
tum buḳhārāt kī mānind ubharnā sīkho
yuuñ samundar kī asīrī se nikal jāoge
chhoḌ kar dasht-e-haqīqat ke ġhazāloñ kā surāġh
ham na kahte the sarāboñ se bahal jāoge
chhat ke saa.e hī meñ baiThe raho 'manzar-muftī’
is kaḌī dhuup meñ nikloge to jal jāoge
aap se aap hi ek roz badal jaoge
aaj agar din ho to kal raat mein Dhal jaoge
hadse aap bana lenge tumhein apna rafiq
ek na ek roz giroge to sanbhal jaoge
KHol jo KHud pe chaDhaya hai usi mein Thahro
fikr ke ghaar mein utre to pighal jaoge
tum buKHaraat ki manind ubharna sikho
yun samundar ki asiri se nikal jaoge
chhoD kar dasht-e-haqiqat ke ghazalon ka suragh
hum na kahte the sarabon se bahal jaoge
chhat ke sae hi mein baiThe raho 'manzar-mufti’
is kaDi dhup mein nikloge to jal jaoge
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
