ye kya ki ho raha hai yaqin ek guman ka

ye kyā ki ho rahā hai yaqīñ ik gumān kā

lagtā hai vaqt aa hī gayā imtihān kā

thoḌā bahut to ḳhud ko samajhne lagā huuñ maiñ

samjho ki mil gayā hai sirā āsmān kā

ye aur baat hai ki ḳhalāoñ meñ gum huuñ maiñ

vaise to aadmī huuñ isī ḳhāk-dān kā

be-samt ho rahā hai mirī soch kā safar

ruḳh moḌ duuñ havāoñ kā yā bādbān kā

mehvar banā rahā huuñ agar apnī zaat ko

ye tajziya hai tauf nahīñ ān-bān kā

ik aur baaġh bhī hai pa-e-āb-o-gil udhar

mil jā.egā surāġh mujhe bāġhbān kā

maazī ke daftaroñ kā havāla na do use

'salmān' to safīr hai ā.indagān kā

ye kya ki ho raha hai yaqin ek guman ka

lagta hai waqt aa hi gaya imtihan ka

thoDa bahut to KHud ko samajhne laga hun main

samjho ki mil gaya hai sira aasman ka

ye aur baat hai ki KHalaon mein gum hun main

waise to aadmi hun isi KHak-dan ka

be-samt ho raha hai meri soch ka safar

ruKH moD dun hawaon ka ya baadban ka

mehwar bana raha hun agar apni zat ko

ye tajziya hai tauf nahin aan-ban ka

ek aur bagh bhi hai pa-e-ab-o-gil udhar

mil jaega suragh mujhe baghban ka

mazi ke daftaron ka hawala na do use

'salman' to safir hai aaindagan ka