sirf KHanjar hi nahin aankhon mein pani chahiye
sirf ḳhanjar hī nahīñ āñkhoñ meñ paanī chāhiye
ai ḳhudā dushman bhī mujh ko ḳhāndānī chāhiye
shahr kī saarī alif-lailā.eñ būḌhī ho chukīñ
shāhzāde ko koī taaza kahānī chāhiye
maiñ ne ai sūraj tujhe puujā nahīñ samjhā to hai
mere hisse meñ bhī thoḌī dhuup aanī chāhiye
merī qīmat kaun de saktā hai is bāzār meñ
tum zuleḳhā ho tumheñ qīmat lagānī chāhiye
zindagī hai ik safar aur zindagī kī raah meñ
zindagī bhī aa.e to Thokar lagānī chāhiye
maiñ ne apnī ḳhushk āñkhoñ se lahū chhalkā diyā
ik samundar kah rahā thā mujh ko paanī chāhiye
sirf KHanjar hi nahin aankhon mein pani chahiye
ai KHuda dushman bhi mujh ko KHandani chahiye
shahr ki sari alif-lailaen buDhi ho chukin
shahzade ko koi taza kahani chahiye
main ne ai suraj tujhe puja nahin samjha to hai
mere hisse mein bhi thoDi dhup aani chahiye
meri qimat kaun de sakta hai is bazar mein
tum zuleKHa ho tumhein qimat lagani chahiye
zindagi hai ek safar aur zindagi ki rah mein
zindagi bhi aae to Thokar lagani chahiye
main ne apni KHushk aankhon se lahu chhalka diya
ek samundar kah raha tha mujh ko pani chahiye
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
