sitam jo bhi kiye usne sabhi hum bhul jate hain

sitam jo bhī kiye us ne sabhī ham bhuul jaate haiñ

jo gahrī choT hai dil par lagī ham bhuul jaate haiñ

use us ke gunāhoñ ke liye ham kuchh nahīñ kahte

jo us ne dī hai āñkhoñ meñ namī ham bhuul jaate haiñ

bhale masjid meñ mandir meñ kalīse meñ vo rahtā ho

agar vo saath ho to tīrgī ham bhuul jaate haiñ

hameñ fursat nahīñ miltī ki ḳhud se baat kar paa.eñ

kabhī ham yaad rakhte haiñ kabhī ham bhuul jaate haiñ

shikāyat tujh se rahtī hai diyā kuchh bhī nahīñ ham ko

jo tū ne dī haiñ sauġhāteñ vahī ham bhuul jaate haiñ

baraste bādaloñ kā ġham samajhtā hī nahīñ koī

haiñ aañsū us kī āñkhoñ ke yahī ham bhuul jaate haiñ

sitam jo bhi kiye us ne sabhi hum bhul jate hain

jo gahri choT hai dil par lagi hum bhul jate hain

use us ke gunahon ke liye hum kuchh nahin kahte

jo us ne di hai aankhon mein nami hum bhul jate hain

bhale masjid mein mandir mein kalise mein wo rahta ho

agar wo sath ho to tirgi hum bhul jate hain

hamein fursat nahin milti ki KHud se baat kar paen

kabhi hum yaad rakhte hain kabhi hum bhul jate hain

shikayat tujh se rahti hai diya kuchh bhi nahin hum ko

jo tu ne di hain saughaten wahi hum bhul jate hain

baraste baadalon ka gham samajhta hi nahin koi

hain aansu us ki aankhon ke yahi hum bhul jate hain