gum hain tere KHayal mein har aan had hai yar

gum haiñ tire ḳhayāl meñ har aan had hai yaar

tum bhī to sab ke misl ho insān had hai yaar

kal be-qarār jis ke liye the har ek pal

aaj us ko keh rahe ho tum anjān had hai yaar

jis ko vafā ke vaao kā bhī kuchh patā nahīñ

us se vafā kā ham ko hai imkān had hai yaar

ro dho ke din guzār ke so jaate haiñ to phir

shab meñ haiñ ḳhvāb karte pareshān had hai yaar

mālik ke misl tum ho mire dil meñ ab talak

aur mujh kirāya-dār kā hijrān had hai yaar

shab hī vafā kā 'ahd huā thā hamāre biich

ab sub.h ko hī us pe ho hairān had hai yaar

'sā'dī' ne jab sunā.ī ġhazal to ye bole dost

phir bhī hai tere chehre pe muskān had hai yaar

gum hain tere KHayal mein har aan had hai yar

tum bhi to sab ke misl ho insan had hai yar

kal be-qarar jis ke liye the har ek pal

aaj us ko keh rahe ho tum anjaan had hai yar

jis ko wafa ke wao ka bhi kuchh pata nahin

us se wafa ka hum ko hai imkan had hai yar

ro dho ke din guzar ke so jate hain to phir

shab mein hain KHwab karte pareshan had hai yar

malik ke misl tum ho mere dil mein ab talak

aur mujh kiraya-dar ka hijran had hai yar

shab hi wafa ka 'ahd hua tha hamare bich

ab subh ko hi us pe ho hairan had hai yar

'sa'di' ne jab sunai ghazal to ye bole dost

phir bhi hai tere chehre pe muskan had hai yar