afwah jo uDai gai hai wo jhuT hai

afvāh jo uḌaa.ī ga.ī hai vo jhuuT hai

mere tumhāre pyaar kā bandhan aTuuT hai

dil bhī gayā sukūn bhī rātoñ kī niiñd bhī

ye koī pyār-vyār nahīñ balki luuT hai

saaqī sharāb kī koī ḳhvāhish nahīñ mujhe

kaafī nigāh-e-yār kā ek aadh ghūñT hai

bichhḌo to is tarah se ki sharmindagī na ho

mere mizāj ko bhī ye andāz suit hai

is daur-e-pur-fitan ke 'ajab rang-rūp haiñ

jiine pe rok-Tok hai marne kī chhūT hai

har shaḳhs ittihād kī koshish meñ hai magar

afsos bhaa.ī bhaa.ī kī aapas meñ phuuT hai

peshānī chuum kar use raazī karo 'sahar'

nārāz hai vo tum se magar jhūT-mūT hai

afwah jo uDai gai hai wo jhuT hai

mere tumhaare pyar ka bandhan aTuT hai

dil bhi gaya sukun bhi raaton ki nind bhi

ye koi pyar-wyar nahin balki luT hai

saqi sharab ki koi KHwahish nahin mujhe

kafi nigah-e-yar ka ek aadh ghunT hai

bichhDo to is tarah se ki sharmindagi na ho

mere mizaj ko bhi ye andaz suit hai

is daur-e-pur-fitan ke 'ajab rang-rup hain

jine pe rok-Tok hai marne ki chhuT hai

har shaKHs ittihad ki koshish mein hai magar

afsos bhai bhai ki aapas mein phuT hai

peshani chum kar use raazi karo 'sahar'

naraaz hai wo tum se magar jhuT-muT hai