jawaz hote hue bhi wo dar nahin chhoDa

javāz hote hue bhī vo dar nahīñ chhoḌā

shajar se TuuTe huoñ ne shajar nahīñ chhoḌā

sitārgī meñ sahe haiñ hazār shams-o-qamar

tire 'ufuq pe chamaknā magar nahīñ chhoḌā

is ehtiyāt se un kī galī se guzrā huuñ

kisī bhī chiiz pe koī asar nahīñ chhoḌā

bas aa gayā thā yūñhī ḳhud pe e'tibār ik din

vo haath maiñ ne bahut soch kar nahīñ chhoḌā

faqat zamānoñ kī samteñ banā ke aate haiñ

bahut dinoñ ke liye ham ne ghar nahīñ chhoḌā

daraḳht kaTte hī dariyā meñ bah ga.e 'hāris'

fanā hue bhī to ham ne safar nahīñ chhoḌā

jawaz hote hue bhi wo dar nahin chhoDa

shajar se TuTe huon ne shajar nahin chhoDa

sitargi mein sahe hain hazar shams-o-qamar

tere 'ufuq pe chamakna magar nahin chhoDa

is ehtiyat se un ki gali se guzra hun

kisi bhi chiz pe koi asar nahin chhoDa

bas aa gaya tha yunhi KHud pe e'tibar ek din

wo hath main ne bahut soch kar nahin chhoDa

faqat zamanon ki samten bana ke aate hain

bahut dinon ke liye hum ne ghar nahin chhoDa

daraKHt kaTte hi dariya mein bah gae 'haaris'

fana hue bhi to hum ne safar nahin chhoDa