zikr chhiDna gardish-e-ayyam ka

zikr chhiḌnā gardish-e-ayyām kā

yaad aanā iḳhtitām ik shaam kā

kyā kahā dil ko rihā.ī mil ga.ī

kyā huā us par lage ilzām kā

sabr kā lenā musalsal imtihāñ

dekhnā rasta tire paiġhām kā

jab manāne ko nahīñ maujūd vo

phir hamārā rūThnā kis kaam kā

jaise-taise kaaT lete haiñ sahar

dil Dubo detā hai manzar shaam kā

ham se pūchho raah kī dushvāriyāñ

ham ne thā rasta chunā ārām kā

kyuuñ rakheñ chāhat chale pīchhe koī

kyuuñ kareñ dā'vā kisī ilhām kā

ab kahāñ taḳhlīq meñ vo dil-kashī

'rāj' shā'ir rah gayā hai naam kā

zikr chhiDna gardish-e-ayyam ka

yaad aana iKHtitam ek sham ka

kya kaha dil ko rihai mil gai

kya hua us par lage ilzam ka

sabr ka lena musalsal imtihan

dekhna rasta tere paigham ka

jab manane ko nahin maujud wo

phir hamara ruThna kis kaam ka

jaise-taise kaT lete hain sahar

dil Dubo deta hai manzar sham ka

hum se puchho rah ki dushwariyan

hum ne tha rasta chuna aaram ka

kyun rakhen chahat chale pichhe koi

kyun karen da'wa kisi ilham ka

ab kahan taKHliq mein wo dil-kashi

'raj' sha'ir rah gaya hai nam ka