raushni ke istiare Dal kinara aur sham
raushnī ke isti'āre Dal kinārā aur shaam
sochte haiñ sab sitāre Dal kinārā aur shaam
pāniyoñ par aaj phir raqsāñ hai lahroñ kā hujūm
dekhte haiñ kyā nazāre Dal kinārā aur shaam
aaj baiThā huuñ shikāre meñ ka.ī yāroñ ke saath
aaj lagte haiñ sharāre Dal kinārā aur shaam
ham samajhte hī nahīñ haiñ is qadar dil-kash zabān
karte haiñ kyā kyā ishāre Dal kinārā aur shaam
aaj paḌhte haiñ kisī ke haath se likkhe hue
adh-khule tīnoñ shumāre Dal kinārā aur shaam
raushni ke isti'are Dal kinara aur sham
sochte hain sab sitare Dal kinara aur sham
paniyon par aaj phir raqsan hai lahron ka hujum
dekhte hain kya nazare Dal kinara aur sham
aaj baiTha hun shikare mein kai yaron ke sath
aaj lagte hain sharare Dal kinara aur sham
hum samajhte hi nahin hain is qadar dil-kash zaban
karte hain kya kya ishaare Dal kinara aur sham
aaj paDhte hain kisi ke hath se likkhe hue
adh-khule tinon shumare Dal kinara aur sham
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
